لايهمك دمع عيني بس غني لي

ناديت / والا يتهيالي .. تناديلي

يا اكثر من أنثى : تمنيت أَتٌهيالي .. !!

ياصوتك الي يـ لبي لي .. ويحكيلي

اعظم شعورً عرفته بعثر احوالي

لبيه .. كلك وكلك جاء يلبي لي

لبى وجودك ، ترى ماغيري لحالي

هذه عيوني / وتشرح لك تفاصيلي

شريط عمرً يمرك بس لاتبالي

لايهمك دموع عيني بس غني لي !

من سيمفونية الاحلام ، وأغتالي

همومي اللي تبين لي وتبديلي

طروش بدوً حداها أشهب اللالي .. !

تعبت عوص النجايب في تراحيلي

ياعنك / ماشفتني وسط الخلا الخالي

الهث غلايا / وسراب الشوق يزميلي

ومتنا عطاشا / وحنا مالنا والي

انتي ملاذي / ليا ضاقت مداهيلي

وانتي محطات شعري ، وأعظم أقوالي

تمردي في حشاي .. ولا تخليلي

من فوضة سنيني اللي مالها تالي

لوفتشوني / وعاثو في مداخيلي

ماشافو الا غلاتك بس تحلالي

انفاس عطرك / تنعنشني وتحييلي

كل العروق الهشيمه داخل أمالي

مضراب عشقك يقٌسم لي تراتيلي

وحروف أسمك / هي الي دوم في بالي

أحببتني فيك غصب وضعت في ليلي

وماكنت متصور أنك يوم تهنالي

دخيل عينك حبيبي / لا تمليلي

افعالي اللي عشانك غصب تبرالي

اجوع حبك / وتقضبني محابيلي

وسلوم ربعي وجداني / ومدهالي

ودي اشيلك واحطك في مقابيلي

ولوعات الايام همً تشبه ظلالي

الله وكيلك / تسامرني تعاليلي

وحبك يغيض القصاه اللي على فالي

مرجاحة الصوت / ماهي ُتشفي غليلي

الا اشوفك / حبيبي جالس قبالي

العودة إلى الصفحة الرئسية
 ↓ ↓ ↓ ↓ ↓ ↓ ↓ ↓ ↓ ↓ ↓

مدير الموقع